Ég fagna yfirlýsingu ESB-sinna

Samtök Evrópusambandssinna sem kalla sig Sterkara Íslands hafa sent frá sér yfirlýsingu þar sem m.a. er skorað á samtök andstæðinga inngöngu í Evrópusambandið að forðast gífuryrði og hræðsluáróður. Nú er það svo að Heimssýn, hreyfing sjálfstæðissinna í Evrópumálum, hefur alla tíð lagt áherslu á málefnalega umfjöllun um Evrópumál og verður svo vafalítið áfram.

Hitt er svo annað mál að því ber vitanlega að fagna mjög ef samtök Evrópusambandssinna hafa í hyggju að hætta t.d. að nota gífuryrði eins og „einangrunarsinnar“ um þá sem eru annarrar skoðunar en þeir í umræðum um Evrópumál og um leið viðhafa þann hræðsluáróður að gangi Ísland ekki í Evrópusambandið muni landið á einhvern hátt einangrast frá heimsbyggðinni.

Fagna grænu aðildarljósi